Zhvillimi nga muaji 12 në 18

Çfarë mund të bëjë fëmija  në 1 vjeç e gjysmë:

• Në moshën 1 vjeçare shumica e fëmijëve kanë trefishuar peshën dhe janë zgjatur me 25cm. Në vitin në vijim ndryshime të mëdha do të ndodhin në trupin e tij. Këto ndryshime dhe veçanërisht në këmbët e tij, do ta bëjnë më të lehtë për të të qëndrojë në këmbë e të eci.
• Kockat e tij bëhen më të forta dhe muskujt e tij rriten deri në pikën e mbështetjes së fëmijës të qëndrojnë dhe ecin.
• Ai eksploron gjithçka rreth tij, prek, kap, tërheq, shtyn çdo gjë që shikon e mund të arrijë.
• I pëlqen kontakti fizik siç janë përqafimet.
• Në moshën 15 vjeçare mund të ecë mjaft mirë.
• Fle gjatë gjithë natës.
• Ka ndryshime të papritura emocionale. Nga i gëzuar, mund të mërzitet apo inatoset.
• Ka frikë nga të huajt.
• Tregon pikat e dobëta dhe lidhjen me prindërit.
• Reagon kur largohen prindërit (psh kur ikin për në punë) dhe u ngjitet kur kthehen në shtëpi.
• Mund të ecë mjaft mirë, por shpesh rrëzohet kur përpiqet të vrapojë shpejt.
• Ngjitet në mobilje relativisht të ulëta.
• Shtyn lodrat në një drejtim, për shembull një tren.
• Mund të vendosë me kujdes një formuese mbi një tjetër.
• Mund të nisë të shkruajë me markera.
• Dëgjon çfarë i thua dhe mund të ndjekë urdhra të thjeshtë si “mos shko aty”.
• Mund të ndjekë udhëzime të thjeshta siç janë “Merr këpucët e tua”.
• Mund të identifikojë sende të njohura kur ti i mëson siç janë: “më trego topin” ose “ku është gota jote”?
• Përdor rreth 6 fjalë, përveç “mami” dhe “babi”, të cilat mund të mos shqiptohen mirë, por mund të kuptohet lehtë nga mamaja, vëllai apo motra dhe tua shpjegojnë të tjerëve.
• Ecën. Disa fëmijë mund të ecin para ditëlindjes së tyre të parë, ndërsa të tjerët marrin kohë e mund të ecin gjysmë viti më vonë. Të gjithë fëmijët e shëndetshëm mund të ecin pa mbështetje në moshën 18 muajsh. Në këtë moshë fëmija mund të vrapojë e të ecë mbrapsh për argëtim. Mund edhe të ngjitë shkallë me ndihmën e një të rrituri.
• Disa fëmijë në moshën 18 muaj mund të jenë në gjendje të formojnë një fjali me dy fjalë, megjithëse kjo konsiderohet si një arritje e një fëmije 2 vjeçar.
• Mund të imitojë tinguj kafshësh
• Identifikon sendet me emrin e tyre
• Përdor lugë e pirun kur ha.

Kujdes! Fëmijët janë të ndryshëm e gjithsecili ka ritmin e tij. Stadet e zhvillimit siç përshkruhen janë të bazuara mbi mesataren. Mos u shqetëso nëse fëmija ka devijim nga mesatarja. Gjithsesi, nëse vë re diçka shqetësuese në zhvillimin e tij, kontakto me pediatrin.